Rodeo – Moira & Hybris

2022an aterako dugun disko bikoitzaren lehenengo zatia da. Bertan Prometheorekin jarraituko dugu, kontzeptualki honen aurrekari bat izango delarik. Dilmuñeko askatasunaren paradisu faltsuak ezkutatzen zuen dominazio eta determinismoa dira MOIRA, zeina gaur egungo egoeran azaleratu zaigun. Diskoaren zehar, egoera honetatik abiatuz, langileria, gizarte modernoaren kosmoa eta jainkoaren/kapitalaren boterea erreproduzitzen dituen subjetuaktibo (Prometheo) izatera pasako da

Rodeoren ibilbidean lehenengo aldiz ekoizle ezberdin batekin lan egin dugu disko honetan.
Bonberenean Karlos Osinagarekin ekoitzi dugu lana eta soinu gordina, amorruz vetea lortzen saiatu gara.
Erritmo eta estilo berriekin ere jolastu dugu, baita instrumentu berriren batekin ere. Horretaz gain, disko honetan garratzi berezia eman diogu diskoaren jarraikortasunari, hórrela hasieratik amaierara osotasun bat duen lan bat sortzeko gai izan garela uste dugu.

Tracklist Moira:
A aldea
1- Therion
2- Chronos
3- Hermes
4- Moira
5- Tartaro

B aldea
6- Metamorfosis l
7- Atlas
8- Metamorfosis ll
9- Geras
10- Krinein

Hasitako lanak amaitzeko helburuarekin kaleratu du Rodeo taldeak ‘Hybris’. 2022an disko bikoitz bat argitaratuko zuela iragarri zuen Rodeok eta lan horren lehen zatia izan zen ‘Moira’ diskoaren ondotik dator ‘Hybris’.

Moira eta Prometheorekin hasitako metaforekin jarraituz, Hybrisen, Moiraren transgresioa ikusiko dugu, ordena sozial honen erortzea, Prometheoren bidaiaren bidez, bide horretan bere subjektibitate propioa ere gaindituko duelarik.

Bederatzi kantu izango ditu Bonberenea Ekintzaken eskutik azaroaren 10ean kalean izango den lanak. Rock stonerra egiten duen talde zestoarra ez da etxetik askorik mugitu disko hau grabatzeko. Izan ere, Eñaut Gaztañagarekin egin dituzte grabaketa lanak Gaztain estudioan, Zestoan bertan.

Azken urteetan errepidean asko dabilen taldea da Rodeo. Ehundaka kontzertu eskaini dituzte eta urrutira joan gabe, udaberrian Suitzan egindako bira da horren adibide.

‘Hybris’ diskoa abenduaren 7tik 11ra egingo den Durangoko Azokan eskuratzeko aukera izango da Bonberenea Ekintzaken standean eta hitzordu horretarako, disko bikoitza osatzen duten ‘Moira’ eta ‘Hybris’ lanak bilduko dituen edizio berezia prestatuko da.

‘Hybris’ diskoan Mikel Illarramendik ahotsak eta gitarrak grabatu ditu, Ortzi Alberdi gitarran eta koruetan aritu da, Beñat Subinasek baxua jo eta koruak grabatu ditu eta Oroitz Urbietak jo du bateria, koruak grabatzearekin batera.

Tracklist Hibrys:
Side A
1- Hybris
2- Odola
3- Sisifo
4- Keres
5- ez da hil

Side B
6- Ares
7- Atenea
8- Lunacharsky
9- Thanatos

Harremanetarako:
Rodeostoner@gmail.com
688 683 804 (Oier)