Glaukoma Ta Bad Sound "Sua zaintzen" - Bizitzaren Antzerkia - bonb-067 10"ep/cd - 2015-10-29
Bi anaien arteko topaketa da Bad Sound eta Glaukomak kaleratutako “SUA ZAINTZEN” singlea. Reggaearen su-garren inguruan dantzan dabiltzan bi adiskideen arteko elkarlanaren fruitua. Bi abesti, musika sortzeko bi ikusmolde biltzen dituztenak. Aurrenekoa (“Batak bestetik”), Bonberenean grabatu eta nahastua Karlos Osinagaren gidaritzapean. Ander Altuna eta Aitzol Moneo (tronpeta eta tronboia) musikarien kolaborazioak ere abesti honetan agertzen dira. Beste kantua (“Bizitzaren antzerkia”), Irungo GUA estudioan grabatu eta Berako MIK estudioan nahastua da Maikel-en eskutik. Diseinua, berriz, Rebel Sounds kolektiboko partaide den Roberto Ramirez “Punker” artista mexikarrarena da.
Bi abesti, bi talde, bi ikusmolde baina helburu bakarra: reggaearen sua zaindu eta zabaltzea Euskal Herrian zehar. Gorputzak eta buruak horrela eskatu dietelako sortu dute binilo (EP) + CD formatuan kaleratuko gutixi hau. Bonberenea Ekintzak plataformak ekoiztua, gaztetxean topo egin zuten bi talderen harremanak eman duen fruitua da elkarlanean sortutako “SUA ZAINTZEN” singlea. Gozatu!
IZENBURUA:
Glaukoma ta Bad Sound sua zaintzen.
TRACKLIST:
A aldea- BATAK BESTETIK
B aldea- BIZITZAREN ANTZERKIA
